Yuxarı

DÇ-2018: Seçmə qrup mərhələsində X turun daha 9 görüşü keçiriləcək

DÇ-2018: Seçmə qrup mərhələsində X turun daha 9 görüşü keçiriləcək
Son turun ikinci oyun günündə 9 matç nəzərdə tutulub

Bakı. 9 oktyabr. REPORT.AZ/ Bu gün futbol üzrə 2018-ci il dünya çempionatının seçmə qrup mərhələsində X turun daha 9 görüşü keçiriləcək. 

"Report"un məlumatına görə, son turun ikinci oyun günündə D, G və İ qruplarında üst-üstə 9 matç nəzərdə tutulub.

G qrupunda İspaniyanın qrup qalibi kimi final mərhələsinə, İtaliyanın isə ikinci pilləni tutaraq, "pley-off"a vəsiqə qazandığı dəqiqləşdiyindən, hər 3 matç formal xarakter daşıyacaq. Sadəcə, "Qarabağ"ın futbolçusu Ansi Aqollinin çıxış etdiyi Albaniya millisi 3-cü pillədəki yerini qorumaq üçün İsrailin İspaniya üzərində qələbə qazanmayacağına ümid etməlidir. Bu halda İtaliya ilə ev oyununun nəticəsi Makedoniya - Lixtenşteyn qarşılaşması kimi heç bir əhəmiyyət kəsb etməyəcək. Moldova - Avstriya matçındakı hesab isə heç nəyi həll etməyəcək.

Əsas mübarizə digər 2 qrupda gedəcək. D qrupunun lideri Serbiya birbaşa vəsiqəyə sahib çıxmaq üçün evdə Gürcüstanı yenməlidir. Bu görüşdə xal itkisi qeydə alınsa, Uels İrlandiyadan xal alaraq, qrup qalibi ola bilər. İrlandiyanın qrup qalibi olması üçün isə Uelsi yenməklə bərabər Serbiyanın məğlubiyyətinə ümid etmək lazımdır.

İ qrupunda ilk 3 pillənin sahibləri arasında liderlik savaşı gedəcək. Ötən tur İslandiya millisi səfərdə Türkiyə üzərində vacib qələbə qazandıqdan sonra evdə Kosovo ilə üz-üzə gələcək. Bu görüşdə meydan sahibləri uduzsalar, qrupda birinci pilləyə Ukrayna - Xorvatiya matçının qalibi sahib çıxacaq. İslandiyanın xal itkisi Xorvatiyanı səfər qələbəsi sayəsində birinci yerə çıxara bilər. Finlandiya - Türkiyə matçının nəticəsi isə bu iki komandanın mövqeyinə təsir etməyəcək.

Dünya çempionatı

Seçmə mərhələ, X tur

D qrupu

Serbiya - Gürcüstan

Uels - İrlandiya

Moldova - Avstriya

Xal durumu: Serbiya - 18, Uels - 17, İrlandiya - 16, Avstriya - 12, Gürcüstan - 5, Moldova - 2.

G qrupu

İsrail - İspaniya

Albaniya - İtaliya

Makedoniya - Lixtenşteyn

Xal durumu: İspaniya - 25, İtaliya - 20, Albaniya - 13, İsrail - 12, Makedoniya - 8, Lixtenşteyn - 0.

İ qrupu

Ukrayna - Xorvatiya

İslandiya - Kosovo

Finlandiya - Türkiyə

Xal durumu: İslandiya - 19, Xorvatiya - 17, Ukrayna - 17, Türkiyə - 14, Finlandiya - 8, Kosovo - 1.

Qeyd edək ki, bütün görüşlər Bakı vaxtı ilə saat 22:45-də başlanacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi