Yuxarı

DÇ-2018: Final oyunu eyni ildə iki kubok qazanan 9-cu futbolçunu müəyyənləşdirəcək

DÇ-2018: Final oyunu eyni ildə iki kubok qazanan 9-cu futbolçunu müəyyənləşdirəcək
Hər iki oyunçu Real Madriddə çıxış edir

Bakı. 14 iyul. REPORT.AZ/ Rusiyadakı dünya çempionatının finalı Fransa yığmasının müdafiəçisi Rafael Varan və Xorvatiya millisinin kapitanı Luka Modriç üçün xüsusi əhəmiyyət kəsb edəcək.

"Report"un məlumatına görə, bunlardan biri eyni ildə Çempionlar Liqasının qalibi və dünya çempionu titullarını qazanan 9-cu futbolçu olacaq. Hər iki oyunçu İspaniya "Real Madrid"ində çıxış edir.

Əvvəlki illərdən Almaniyanın 6, Fransa və Braziliyanın hərəyə 1 futbolçusu eyni ildə iki nüfuzlu kuboka yiyələnib:

1974: Zepp Mayer, Paul Braytner, Hans-Georq Şvartsenbek, Frants Bekkenbauer, Herd Müller Ulu Höness ("Bavariya" və Almaniya yığması)

1998: Kristian Karambö ("Real Madrid" və Fransa yığması)

2002: Roberto Karlos ("Real Madrid" və Braziliya yığması)

Qeyd edək ki, iyulun 15-də Moskvadakı "Lujniki" stadionunda keçiriləcək Fransa - Xorvatiya matçı Bakı vaxtı ilə saat 19:00-da başlanacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi