David Luis: "Bakıda hər şey yaxşı idi, bura əla şəhər, Azərbaycan isə gözəl ölkədir"

"Bakıda hər şey yaxşı idi, bura əla şəhər, Azərbaycan isə gözəl ölkədir".

Bunu "Report"a açıqlamasında İngiltərənin "Çelsi" klubunun futbolçusu David Luis Bakıda "Arsenal"a 4:1 hesabı ilə qalib gəldikləri Avropa Liqasının finla matçından sonra deyib.

Braziliyalı müdafiəçi təşkilatçılıqda əməyi keçən hər kəsi təbrik edib.

Fransalı yarımmüdafiəçi N Qolo Kante isə Azərbaycan yeməklərindən də məmnunluq ifadə edib: "Burada hər şey yaxşı idi. Fikrimcə, Bakı gözəl şəhərdir, təşkilatçılıq yüksək səviyyədə idi. Yeməkləriniz də yaxşıdır. Hər şeydən razı qaldım”.