Yuxarı

Daha bir klub Azərbaycan Kuboku uğrunda mübarizə aparmaqdan imtina edib

Ağsu klubu məsələ ilə bağlı PFL-ə məktub ünvanlayıb

Bakı. 5 oktyabr. REPORT.AZ/ Bu gün "Ağsu" futbol klubu Peşəkar Futbol Liqasına (PFL) məktub ünvanlayıb. "Report"un qurumun rəsmi saytına istinadən verdiyi məlumata görə, klub 2016/2017-ci illər mövsümündə Azərbaycan Kuboku uğrunda yarışlarda iştirak etməyəcəyini bildirib.

Nəticədə Kubok uğrunda 18 komanda mübarizə aparacaq.

Qeyd edək ki, Azərbaycan kubokunda “Qarabağ”, “Zirə”, “Qəbələ”, “İnter”, “Kəpəz”, “Neftçi”, AZAL, “Sumqayıt”, “Rəvan”, “Qaradağ Lökbatan”, MOİK, “Şəmkir”, “Zaqatala”, “Turan Tovuz”, “Bakılı”, “Şahdağ”, “Şərurspor” və “Səbail” komandaları çıxış edəcək. Kubokun püşkatma mərasimi sabah keçiriləcək. Daha əvvəl "Mil-Muğan", "Göyəzən" və "Energetik" komandaları turnirdə iştirakdan imtina edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi