Yuxarı
    Bağlamaq

    "Daçiya"nın hücumçusu: "Kəpəz" barədə məlumatımız azdır" - MÜSAHİBƏ

    Əsas məqsədimiz top buraxmamaq şərtilə qol vurmağa çalışmaqdır

    Bakı. 27 iyun. REPORT.AZ/ Moldovanın "Daçiya" klubunun yeni transferi İqor Buqayev futbol üzrə Avropa Liqasında "Kəpəz"lə keçirəcəkləri I təsnifat mərhələsinin oyunu öncəsi fikirlərini bölüşüb.

    "Report" 32 yaşlı hücumçunun müsahibəsini klubun rəsmi saytına istinadən təqdim edir...

    - Oyunqabağı əhval-ruhiyyəniz necədir?

    - Döyüşkən. Uşaqlar hamımızı çox məsuliyyətli oyunun gözlədiyini başa düşürlər. Biz bu mərhələyə uzun müddət hazırlaşmışıq.

    - Səfər matçında sizi hansı nəticə qane edir?

    - İstənilən müsbət nəticə. "Kəpəz" barədə az məlumatlıyıq. Düzdür, oyunlarına baxmışıq, müzakirə etmişik. Amma Bakıda əyani tanış olacağıq. Əsas məqsədimiz top buraxmamaq şərtilə qol vurmağa çalışmaqdır.

    - Komandada yenisən. Yəqin ki, "Daçiya"da debüt etməyə hazırlaşırsan...

    - Oynayıb-oynamayacağımı bilmirəm. Buna baş məşqçi qərar verir. Mənim işim özümü məşqlərdə göstərməkdir. Baş məşqçi isə kimi meydana buraxacağını müəyyənləşdirəcək.

    - "Daçiya"nın yoluna davam etmə şansları necədir?

    - Açığı, proqnoz verməyi sevmirəm. Bir şeyi deyə bilərəm: Çalışacaq və meydanda bütün gücümüzü qoyacağıq. İyulun 7-də cavab görüşümüz olacaq. İndidən danışmayaq. Qələbəyə oynamağa çalışacağıq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi