Yuxarı
    Bağlamaq

    Çexiya yığmasının baş məşqçisi: "Əsas məqsədimiz qələbə qazanmaqdır"

    Baş məşqçi Azərbaycanla oyundan danışıb

    Bakı. 14 oktyabr. REPORT.AZ/ "Bizim üçün əsas olan noyabrda Norveçlə keçiriləcək oyunda qələbə qazanmaq, qol vurmaqdır". 

    "Report"un məlumatına görə, bunu 2018-ci il dünya çempionatının seçmə mərhələsində Azərbaycan millisi ilə eyni qrupda mübarizə aparan Çexiya yığmasının baş məşqçisi Karel Yarolim deyib.

    Azərbaycanla Ostravada baş tutmuş görüşdən (0:0) danışan Yarolim qrupdakı mövqelərinə görə təəssüf hissi keçirdiyini bildirib: "Azərbaycanla oyuna yaxşı başlamadıq. Bu amil oyunun qalan dəqiqələri üçün vacibdir. Matçın video yazısını izlədim. Bir sıra səhvlərimiz olub və qol imkanlarından yararlana bilməmişik. Futbolçu təkbətək epizodlarda daha cəsarətli olmalıdır. Bütün futbolçularıma demişəm ki, individual oyun üzərində klublarında işləsinlər. Dəyişməliyik, heç bir məqsəd olmadan qələbə qazana bilmərik".

    Qeyd edək ki, Çexiya yığması 2 xalla C qrupunun 5-ci pilləsində qərarlaşıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi