Yuxarı

"Liverpul"un qarşısını yalnız koronavirus ala bilər

Çempionluq arzusu reallaşmaya bilər

1338

Futbol üzrə İngiltərə Premyer Liqasının lideri "Liverpul"un cari mövsümdə çempionluq arzusu reallaşmaya bilər.

"Report" "Teleqraf" nəşrinə istinadən xəbər verir ki, yerli çempionat koronavirus epidemiyası ilə əlaqədar təxirə salınsa, klubların geridə qalan 27 turdakı nəticələrinin də ləğvi istisna olunmur.

Məlumatda bildirilib ki, bu məsələ hələ tam təsdiqini tapmayıb. Yalnız İngiltərədə yarışların 2 ay müddətinə dayandırılması ilə bağlı rəsmi qərar qəbul olunduqdan sonra bu barədə danışıqlara start veriləcək.

Qeyd edək ki, 27 turdan 79 xal toplayan "Liverpul" klubu turnir cədvəlinə başçılıq edir. Komanda qarşıdakı 4 çempionat oyununu qələbə ilə başa vursa, çempionluğu vaxtından əvvəl təmin edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi