Yuxarı

Çempionlar Liqasının qrup mərhələsində çıxış edəcək komandalar açıqlanıb

Siyahıda Türkiyənin Beşiktaş klubu da yer alıb

Bakı. 21 aprel. REPORT.AZ/ UEFA Çempionlar Liqasının 2016/2017 mövsümündə birbaşa qrup mərhələsində çıxış edə biləcək komandaların adlarını açıqlayıb. "Report"un məlumatına görə, İspaniya, İngiltərə və Almaniyanın hərəyə 3, İtaliya, Portuqaliya və Fransanın isə 2 klubu birbaşa qrup mərhələsində mübarizə aparacaq.

İspaniyanın "Barselona", "Real Madrid", "Atletiko", İngiltərənin "Lester", "Tottenhem", "Mançester Siti", Almaniyanın "Bavariya", "Borussiya", "Bayer", İtaliyanın "Yuventus", "Napoli". Portuqaliyanın "Benfika", "Sportinq", Fransanın PSJ, "Monako", Rusiyanın "Rostov", Ukraynanın "Dinamo" (Kiyev), Hollandiyanın PSV, Belçikanın "Brügge", İsveçrənin "Bazel" və Türkiyənin "Beşiktaş" klubu birbaşa ÇL-in qrupuna yüksələcək. Bu, yalnız komandaların hazırda davam edən öz ölkələrinin çempionatında yüksək yerlər tuta biləcəkləri təqdirdə mümkün olacaq. 

Pley-off mərhələsindən isə 5 komanda - "Vilyarreal" (İspaniya), "Arsenal" (İngiltərə), "Herta" (Almaniya), "Roma" (İtaliya) və "Portu" (Portuqaliya) mübarizəyə qoşulacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi