Bakı. 22 oktyabr. REPORT.AZ/ Çempionlar Liqasının D qrupunda "Mançester Siti" (İngiltərə) və "Sevilya" (İspaniya) komandaları arasında keçirilmiş görüşdən öncə ölüm hadisəsi baş verib. "Report"un "The Telegraph"a istinadən məlumatına görə, hadisə iki komanda azarkeşləri arasında yaranan münaqişə zamanı olub.
Mançester şəhərinin şimal hissəsində üz-üzə gələn azarkeşlər bir-birlərinə ərazidə olan restoran və kafelərdəki oturacaqlar və butulkalarla hücum ediblər. Nəticədə xəsarət alan azarkeşlərdən biri dünyasını dəyişib. Polisin hadisəyə müdaxiləsindən sonra ara sakitləşib.
"The Guardian" nəşri isə 5 nəfərin həbs olunduğunu bildirib.