Yuxarı
    Bağlamaq

    Çempionlar Liqasının oyunu zamanı meydana banan atılıb - VİDEO

    Rusiya klubu azarkeşlərinin irqçi davranışı üzündən ikinci dəfə cəzalana bilər

    Bakı. 29 sentyabr. REPORT.AZ/ Çempionlar Liqasının qrup mərhələsinin II turu çərçivəsində Rusiyanın "Rostov" və Hollandiyanın PSV komandaları arasında keçirilmiş oyun zamanı meydançaya banan atılıb. "Report"un məlumatına görə, insident ilk yarıda hesab 1:1 olarkən baş verib və oyunun videoyayımında da əksini tapıb.

    "Rostov"un müdafiəçisi Mixa Mevlya və fransalı baş hakim Kleman Turpenin yanında banan aydın görünür. Banan ultrasların olduğu tribunalardan ev sahiblərinin cərimə meydançası tərəfə atılıb. İnsidentin oyunun protokolunda əks etdirilib-etdirilmədiyi hələlik məlum deyil. Görüş 2:2 hesablı heç-heçə ilə nəticələnib.

    Qeyd edək ki, bundan əvvəl UEFA məhz azarkeşlərin irqçi davranışı üzündən "Rostov"u cəzalandırıb. Rusiya təmsilçisinin Çempionlar Liqasının "pley-off" mərhələsində Hollandiya "Ayaks"ına 4:1 hesabı ilə qalib gəldiyi görüşdəki olay PSV-yə qarşı matç zamanı tribunaların bir hissəsinin qapadılması ilə nəticələnib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi