Çempionlar Liqasında V turun ən yaxşı oyunçusu müəyyənləşib

Bakı. 24 noyabr. REPORT.AZ/ UEFA İspaniyanın “Real Madrid” komandasının futbolçusu Kriştianu Ronaldunu Çempionlar Liqasında həftənin oyunçusu seçib.

“Report” xəbər verir ki, V turda “Kral klubu”nun Kipr APOEL-i üzərində 6:0 hesablı qələbə qazandığı görüşdə dubl edən 32 yaşlı portuqaliyalı forvard səslərin 43 faizini toplayıb.

İkinci yeri 28 faiz səslə Fransanın PSJ komandasının braziliyalı hücumçusu Neymar tutub. “Üçlüy”ü qapayan Almaniya “Bavariya”sının hücumçusu Robert Levandovski ilə İngiltərə təmsilçisi “Çelsi”nin belçikalı yarımmüdafiəçisi Eden Azar isə səslərin 8 faizini qazanıblar.