Yuxarı

Çempionlar Liqasında son 2 yarımfinalçı müəyyənləşib - VİDEO

Çempionlar Liqasında son 2 yarımfinalçı müəyyənləşib - VİDEO
Bunlar Almaniyanın Bavariya və İspaniyanın Real Madrid klublarıdır

Bakı. 12 aprel. REPORT.AZ/ Futbol üzrə Çempionlar Liqasında son 2 yarımfinalçı müəyyənləşib.

"Report"un məlumatına görə, bunlar Almaniyanın "Bavariya" və İspaniyanın "Real Madrid" klublarıdır. Münhen komandası 1/4 final mərhələsində İspaniya "Sevilya"sını mübarizədən kənarlaşdırıb. Cütün taleyi ötən həftə keçirilmiş ilk görüşdə həll olunub. Yupp Haynkesin baş məşqçi olduğu kollektiv səfərdə 2:1 hesablı qələbə qazanıb. Cavab oyunu isə qolsuz bərabərliklə yekunlaşıb - 0:0.

"Real Madrid" isə İtaliya "Yuventus"unu üstələyib. Səfərdəki ilk görüşdə 3:0 hesabı ilə qalib gəlmiş "kral klubu" evində də eyni hesabla geri düşdüyü vaxt uzatma dəqiqələrində qələbəyə bərabər qolu vurmağa müvəffəq olub. İngiltərəli referi Maykl Oliverin təyin etdiyi penalti Turin komandasının etirazına səbəb olsa da, qərar dəyişməyib. Üstəlik, Canluici Buffon meydandan qovulub. Kriştianu Ronaldu isə penaltini dəqiq yerinə yetirib.

"Bavariya" və "Real Madrid"dən əvvəl İngiltərənin "Liverpul" və İtaliyanın "Roma" klubları da yarımfinala yüksəlib.

Çempionlar Liqası

1/4 final, cavab oyunları

11 aprel

22:45. "Real Madrid” (İspaniya) – "Yuventus” (İtaliya) - 1:3

Qollar: Kriştianu Ronaldu, 90+8 - Mario Mancukiç, 2; 37. Bleyz Matüidi, 61

Qırmızı vərəqə: Canluici Buffon, 90+3 ("Yuventus")

Baş hakim: Maykl Oliver (İngiltərə)

İlk oyun – 3:0

22:45. "Bavariya” (Almaniya) – "Sevilya” (İspaniya) - 0:0

Qırmızı vərəqə: Xoakin Korrea, 90+2 ("Sevilya")

Baş hakim: Uilyam Kollam (Şotlandiya)

İlk oyun – 2:1

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi