Yuxarı
    Bağlamaq

    Çempionlar Liqasında qrup mərhələsinə birbaşa vəsiqələrin bütün sahibləri müəyyənləşib - SİYAHI

    Son iki yer Beşiktaşla Romaya nəsib olub

    Bakı. 29 may. REPORT.AZ/ 2017-2018 mövsümündə futbol üzrə Çempionlar Liqasının qrup mərhələsinə birbaşa vəsiqəni təmin edən komandaların adları müəyyənləşib. "Report"un məlumatına görə, son vəsiqələrə Türkiyə çempionu "Beşiktaş"la İtaliya vitse-çempionu "Roma" sahib olub.

    12 ölkədən 22 komandanın yer aldığı siyahıya İngiltərə "Mançester Yunayted"i Avropa Liqasının qalibi kimi düşüb. Qalan 10 vəsiqənin sahibi təsnifat və "pley-off" mərhələlərinin yekununda məlum olacaq. Azərbaycan çempionu "Qarabağ" mübarizəyə II təsnifat mərhələsindən başlayacaq. Ağdam komandası həm bu, həm də III təsnifat mərhələsində Səpələnmişlər səbətində yer alacaq.

    İspaniya: "Real Madrid", "Barcelona", "Atletiko" (Madrid)

    Almaniya: "Bavariya", "Leyptsiq", "Borussiya" (Dortmund)

    İngiltərə: "Çelsi", "Tottenhem", "Mançester Siti", "Mançester Yunayted"

    İtaliya: "Yuventus", "Roma"

    Portuqaliya: "Benfika", "Portu"

    Fransa: "Monako", PSJ

    Rusiya: "Spartak" (Moskva)

    Ukrayna: "Şaxtyor" (Donetsk)

    Belçika: "Anderlext"

    Hollandiya: "Feyenoord"

    Türkiyə: "Beşiktaş"

    İsveçrə: "Bazel"

    Qeyd edək ki, qrup mərhələsinə sentyabrın 12-də start veriləcək və mübarizəyə dekabrın 6-da yekun vurulacaq. Püşkatma mərasimi isə avqustun 24-də Monakoda təşkil olunacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi