Yuxarı
    Bağlamaq

    Çempionlar Liqasında "pley-off" mərhələsinin cavab oyunları başlayır

    İlk oyun günündə 5 qarşılaşma baş tutacaq

    Bakı. 23 avqust. REPORT.AZ/ Bu gün Çempionlar Liqasının "pley-off" mərhələsinin cavab görüşlərinə start veriləcək.

    "Report"un məlumatına görə, ilk oyun günündə 5 qarşılaşma baş tutacaq.

    İtaliyanın "Roma" klubu Portuqaliya "Portu"sunu qəbul edəcək. İlk görüş 1:1 hesabı ilə başa çatdığından, meydan sahiblərini qolsuz heç-heçə də qane edir. Portuqaliya təmsilçisi isə qrup mərhələsinə yüksəlmək üçün ya qalib gəlməli, ya da matçı ən azı 2:2 hesablı bərabərliklə başa vurmalıdır.

    Türkiyənin "Fənərbağça" klubunu məğlub edərək adını "pley-off"a yazdıran "Monako" İspaniya "Vilyarreal"ını sınağa çəkəcək. Tərəflər arasında İspaniyada keçirilmiş ilk görüşdə 1:1 hesablı heç-heçə qeydə alınıb.

    Xosep Qvardiolanın baş məşqçisi olduğu İngiltərənin "Mançester Siti" klubu isə demək olar ki, qrup mərhələsini təmin edib. İlk görüşdə "Styaua"nı 5:0 hesabı ilə darmadağın edən "şəhərlilər"in cavab matçında qrup mərhələsini əldən verəcəyi inandırıcı görünmür.

    Çempionlar Liqası, cavab oyunları

    22:45. "Roma" (İtaliya) - "Portu" (Portuqaliya)

    İlk oyun - 1:1

    22:45. Hapoel (Beer Şeva, İsrail) - "Seltik" (Şotlandiya)

    İlk oyun - 2:5

    22:45. "Legiya" (Polşa) - "Dandolk" (İrlandiya)

    İlk oyun - 2:0

    22:45. "Monako" (Fransa) - "Vilyarreal" (İspaniya)

    İlk oyun - 1:1

    22:45. "Viktoriya" (Çexiya) - "Ludoqorets" (Bolqarıstan)

    İlk oyun - 0:2

    Qeyd edək ki, "pley-off" mərhələsinə avqustun 24-də keçiriləcək daha 5 oyunla yekun vurulacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi