Çempionlar Liqasında həftənin ən yaxşı futbolçusu müəyyənləşib

UEFA Çempionlar Liqasında həftənin ən yaxşı futbolçusu müəyyənləşib.

"Report"un məlumatına görə, bu ada İspaniya "Barselona"sının ulduz futbolçusu Lionel Messi layiq görülüb.

32 yaşlı hücumçu 1/4 final mərhələsinin cavab oyununda evdə İngiltərə "Mançester Yunayted"ini 3:0 hesabı ilə məğlub etdikləri matçda 2 qolun müəllifi olub.

Qeyd edək ki, Kataloniya təmsilçisi yarımfinalda İngiltərənin digər komandası "Liverpul"la üz-üzə gələcək. Digər cütdə isə "Tottenhem" (İngiltərə) və "Ayaks" finala çıxmaq üçün mübarizə aparacaq.