Yuxarı
    Bağlamaq

    ​Çempionlar Liqasında 1/8 final mərhələsi start götürür

    Oyunlar Lissabon və Parisdə keçiriləcək

    Bakı. 16 fevral. REPORT.AZ/ Bu gün futbol üzrə Çempionlar Liqasında 1/8 final mərhələsinə start veriləcək. "Report"un məlumatına görə, ilk oyun günündə 4 komanda meydana çıxacaq.

    Portuqaliyanın "Benfika" klubu doğma azarkeşlər önündə Rusiya "Zenit"ini qəbul edəcək. Komandalar bugünədək qitənin ən nüfuzlu klub turnirində 4 dəfə qarşılaşıblar. Bu qarşılaşmaların 3-ü Rusiya, 1-i isə Portuqaliya təmsilçisinin qələbəsi ilə başa çatıb. "Zenit" 7, "Benfika" isə 4 qol vurub. Lissabondakı "Eştadiu da Luj"da keçiriləcək qarşılaşmanın start fiti Bakı vaxtı ilə saat 23:45-də səslənəcək.

    Gecənin digər oyunu isə Fransada PSJ və İngiltərənin "Çelsi" klubları arasında keçiriləcək. Cütlüyün statistikasında əsasən, bərabərliklər diqqət çəkir. Bu günə qədər Çempionlar Liqasında 6 dəfə qarşılaşan komandalar 3 oyunda meydanı "sülh"lə tərk ediblər. Qalan 3 matçdan 2-si London, 1-i isə Paris klubunun qələbəsi ilə başa çatıb. Rəqib qapısına 9 qol vuran "zadəganlar" 8 dəfə topu tordan çıxarıb. Maraqlı məqam isə bu komandaların ardıcıl 3-cü mövsüm qrupdan sonrakı mərhələlərdə üz-üzə gəlmələridir. Oyun Parisdəki "Park de Prens" stadionunda keçiriləcək.

    Çempionlar Liqası, 1/8 final

    23:45. "Benfika" (Portuqaliya) - "Zenit" (Rusiya)

    Baş hakim: Canluka Rokki (İtaliya)

    Lissabon. "Eştadiu da Luj".

    23:45. PSJ (Fransa) - "Çelsi" (İngiltərə)

    Baş hakim: Kаrlos Velasko Karbalyo

    Paris. "Park de Prens".

    Qeyd edək ki, digər oyunlar 17, 23 və 24 fevralda, cavab görüşləri isə martda keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi