Yuxarı
    Bağlamaq

    Cavid Hüseynov "Qəbələ"də bu mövsüm ilk oyununa çıxıb

    O, Asif Məmmədovu əvəzləyib

    Bakı. 25 oktyabr. REPORT.AZ/ "Qəbələ" klubunun bir neçə gün öncə müqavilə bağladığı Cavid Hüseynov bu mövsüm Azərbaycan Premyer Liqasında ilk oyununa çıxıb. 

    "Report"un məlumatına görə, 28 yaşlı yarımmüdafiəçi komandasının "Sumqayıt"la səfər matçının 83-cü dəqiqəsində meydana daxil olub.

    O, Asif Məmmədovu əvəzləyib.

    C.Hüseynov sonuncu dəfə 2015-ci il avqustun 6-da Kipr "Apollon"u ilə Avropa Liqasının III təsnifat mərhələsinin cavab görüşündə meydana çıxıb.

    Qeyd edək ki, C.Hüseynov ann.tv saytının əməkdaşı Rasim Əliyevin döyülərək öldürülməsi işi üzrə həbs edilmişdi. O, mayın 31-də Səbail Rayon Məhkəməsinin hökmü ilə C.Hüseynov 4 il müddətinə azadlıqdan məhrum edilsə də, sonradan cəzası 1 il 2 aya endirilib. Həmin müddət bitdiyindən C.Hüseynov oktyabrın 12-də məhkəmə zalından azadlığa buraxılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi