Yuxarı
    Bağlamaq

    Canluici Buffon PSJ-nin heyətində daha bir il çıxış etmək istədiyini söyləyib

    Bakı. 12 yanvar. REPORT.AZ/ Fransanın PSJ klubunun qapıçısı Canluici Buffon karyerasını bitirmək barədə düşünmür.

    "Report" "Vanity Fair"ə istinadən xəbər verir ki, 41 yaşlı qolkiper hazırkı klubunda ən azı bir il daha oynamaq istədiyini söyləyib.

    O, Paris təmsilçisinin qəbul edəcəyi təqdirdə, bu istəyin reallaşa biləcəyini deyib.

    Qeyd edək ki, Canluici Buffon bu mövsüm PSJ-nin heyətində 8 oyunda meydanda olub. Uzun müddət İtaliya millisinin də şərəfini qorumuş təcrübəli oyunçu 2018-ci ilin yayında "Yuventus"dan Fransa təmsilçisinə keçib və klubla 1+1 illik müqavilə imzalayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi