Yuxarı

Buffon 2017-ci ilin ən yaxşı qapıçısı seçilib

Buffon 2017-ci ilin ən yaxşı qapıçısı seçilib
Ona mükafatı Peter Şmeyhel təqdim edib

Bakı. 23 oktyabr. REPORT.AZ/ İtaliyanın "Yuventus" klubunun qapıçısı Canluici Buffon FİFA versiyası üzrə 2017-ci ilin ən yaxşı qapıçısı seçilib.

“Report” xəbər verir ki, 39 yaşlı Buffon bu ad uğrunda mübarizədə Keylor Navas ("Real") və Manuel Noyeri ("Bavariya") qabaqlayıb.

Londonda keçirilən mərasim zamanı mükafatı ona "Mançester Yunayted"in sabiq qapıçısı Peter Şmeyhel təqdim edib.

"Mən bu yaşda sözügedən mükafatı qazandığıma görə fəxr edirəm. Futbol karyeramı fantastik qələbə ilə bitirmək istərdim", — deyə Buffon mərasimdə bildirib.

Buffon bu il "Yuventus"un heyətində İtaliya çempionatı və Kubokunun qalibi olub, həmçinin Çempionlar Liqasının finalına qədər yüksələ bilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi