Yuxarı
    Bağlamaq

    Bu gün futbol üzrə DÇ-2018-in seçmə qrup oyunları keçiriləcək

    Gecənin maraqlı görüşlərindən biri A qrupunda olacaq

    Bakı. 11 noyabr. REPORT.AZ/ Futbol üzrə 2018-ci il Dünya çempionatının seçmə qrup mərhələsində bu gün IV tura start veriləcək.

    "Report"un məlumatına görə, ilk oyun günündə 10 qarşılaşma keçiriləcək.

    Gecənin maraqlı görüşlərindən biri "A" qrupunda olacaq. Hərəyə 7 xalla qrup liderliyini bölüşən Fransa və İsveç yığmaları Sent-Denis şəhərindəki "Stad de Frans"da üz-üzə gələcəklər. Qalib gələn komanda qrup liderliyində möhkəmlənəcək.

    Azərbaycan millisinin yer aldığı "C" qrupunda 3 oyun keçiriləcək. Milli komanda səfərdə Şimali İrlandiya ilə münasibətlərinə aydınlıq gətirəcək. Robert Prosineçkinin rəhbərlik etdiyi komanda qələbə və heç-heçə sayəsində hazırda olduğu ikinci pilləni qoruyacaq. Qrupun digər vacib görüşündə Çexiya Norveç yığmasını qəbul edəcək. Qələbə qazanan komanda qrupda irəliləmək şansı qazanacaq. Qrupun digər oyununda isə lider Almaniya aktivində xal olmayan San-Marino yığmasının qonağı olacaq.

    "E" qrupunun mərkəzi görüşündə Rumıniya yığması Polşanı qəbul edəcək. Meydan sahibləri qələbə qazanacağı təqdirdə lider Monteneqronun Ermənistan səfərindəki nəticəsindən asılı olaraq birinci pilləyə də yüksələ bilər. Məğlubiyyət və heç-heçə isə polşalıların xeyrinə olacaq.

    Digər oyunlar isə "F" qrupunda keçiriləcək.

    Dünya çempionatı, seçmə qrup mərhələsi, IV tur

    11 noyabr

    A qrupu

    23:45. Fransa - İsveç

    Xal durumu: Fransa - 7. İsveç - 7. Hollandiya - 4. Bolqarıstan - 3. Belarus - 2. Luksemburq - 1.

    C qrupu

    23:45. Şimali İrlandiya - Azərbaycan

    23:45. San Marino - Almaniya

    23:45. Çexiya - Norveç

    Xal durumu: Almaniya - 9. Azərbaycan - 7. Şimali İrlandiya - 4. Norveç - 3. Çexiya - 2. San-Marino - 0.

    E qrupu

    23:45. Danimarka - Qazaxıstan

    23:45. Rumıniya - Polşa

    23:45. Ermənistan - Monteneqro

    Xal durumu: Monteneqro - 7. Polşa - 7. Rumıniya - 5. Danimarka - 3. Qazaxıstan - 2. Ermənistan - 0.

    F qrupu

    23:45. Malta - Sloveniya

    23:45. Slovakiya - Litva

    23:45. İngiltərə - Şotlandiya

    Xal durumu: İngiltərə - 7. Litva - 5. Sloveniya - 5. Şotlandiya - 4. Slovakiya - 3. Malta - 0.

    Qeyd edək ki, digər oyunlar 12-13 noyabrda keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi