Yuxarı
    Bağlamaq

    Bu gün futbol üzrə Azərbaycan Premyer Liqasında XXXII tura start veriləcək

    Turun ilk oyun günündə iki qarşılaşma baş tutacaq

    Bakı. 30 aprel. REPORT.AZ/ Bu gün futbol üzrə Azərbaycan Premyer Liqasında XXXII tura start veriləcək. "Report"un məlumatına görə, turun ilk oyun günündə iki qarşılaşma baş tutacaq.

    Açılış matçında Gəncənin "Kəpəz" klubu "Rəvan"ı qəbul edəcək. Bakı təmsilçisinin tək iddiası sonuncu pillədən xilas olub elitada qalmaqdırsa, gəncəlilər avrokubokda çıxış etmək üçün çalışır. Şahin Diniyevin rəhbərlik etdiyi komanda evdə 3 xal qazanacağı təqdirdə turnir cədvəlində hazırda qərarlaşdığı 4-cü pilləni qoruyacaq. Oyun Rəvan Həmzəzadəyə həvalə olunub.

    Günün son oyununda hazırda turnir cədvəlində sonuncu pillədən xilas olmağa çalışan "Xəzər Lənkəran" AZAL-ın qonağı olacaq. "Təyyarəçilər" isə avrokuboka gedən yolda büdrəməmək üçün qonaqlar üzərində qələbə qazanmalı və ən yaxın qonşusu "Neftçi" ilə xal fərqini artırmalıdır. "Rəvan"la eyni - 14 xala malik olan Lənkaran təmsilçisi isə Premyer Liqada qalmaq uğrunda mübarizə aparmaq üçün səfərdən xalla dönməlidir. "AZAL Arena"da keçiriləcək oyunu Ramil Diniyev idarə edəcək.

    Azərbaycan Premyer Liqası, XXXII tur

    15:00. "Kəpəz" – "Rəvan"
    Hakimlər: Rəvan Həmzəzadə, Elman Musayev, Vüqar Bayramov, Mahir Məmmədov
    AFFA nümayəndəsi: Məmmədəli Məmmədov
    Hakim-inspektor: Murad Məmmədov
    Gəncə şəhər stadionu (CBC Sport)

    17:30. AZAL – "Xəzər Lənkəran"
    Hakimlər: Ramil Diniyev, Rahil Ramazanov, Vüsal Qənbərov, Rəhim Həsənov
    AFFA nümayəndəsi: Ramiz Mustafayev
    Hakim-inspektor: Əli Hüseynov
    AZAL Arena (CBC Sport)

    Qeyd edək ki, turun digər oyunları mayın 1-də keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi