Yuxarı

​Bu gün Emin Ağayevin klubu Rusiya Kubokunda "Zenit"lə qarşılaşacaq

Azərbaycanlı məşqçinin çalışdırdığı Volqa 1/16 final oyununa çıxacaq

Bakı. 23 sentyabr. REPORT.AZ/ Bu gün futbol üzrə Rusiya Kubokunun 1/16 final mərhələsinin ilk oyunları keçiriləcək.

"Report" xəbər verir ki, Azərbaycanın sabiq futbolçusu Emin Ağayevin baş məşqçisi olduğu Tver "Volqa"sı öz meydanında Rusiya çempionu "Zenit"i qəbul edəcək.

Digər oyunlarda Rusiya Kubokunun hazırki sahibi "Lokomotiv" "Torpedo"nun (Krasnodar), ötənilki turnirin finalçısı "Kuban" isə "Şinnik"in qonağı olacaq. Həmçinin Moskva "Spartak"ı Nijni Novqorod "Volqa"sı, "Rubin" "SKA-Energi" və MOİK "Baykal" ilə qarşılaşacaq.

Qeyd edək ki, 42 yaşlı azərbaycanlı mütəxəssisin baş məşqçisi olduğu "Volqa" hazırda Rusiya çempionatının II divizionunda çıxış edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi