Yuxarı
    Bağlamaq

    ​Bu gün Çempionlar Liqasının ilk yarımfinalçıları məlum olacaq

    Qarşılaşmalar İngiltərə və İspaniyada oynanılacaq

    Bakı. 12 aprel. REPORT.AZ/ Bu gün futbol üzrə Çempionlar Liqasının 1/4 final mərhələsinin cavab oyunları keçiriləcək.

    "Report"un məlumatına görə, qarşılaşmalar İngiltərə və İspaniyada oynanılacaq.

    "Mançester Siti" Fransanın PSJ klubu ilə münasibətinə aydınlıq gətirəcək. Parisdə keçirilmiş ilk görüşdə 2:2 hesabı qeydə alındığından, "şəhərlilər"ə qələbədən əlavə qolsuz və ya minimal hesablı heç-heçə də kifayət edir. Meydan sahiblərinin heyətində Kompani və Sterlinq, PSJ-də isə Matuidi və David Luis meydana çıxamayacaq.

    İspaniyanın "Real Madrid" klubu isə "Santyaqo Bernabeu"da Almaniyanın "Volfsburq" kollektivindən revanş almağa çalışacaq. İlk görüşdə "Volfsburq"un 2:0 hesablı qələbəsi Almaniya təmsilçisinə cavab görüşündə üstünlük verib. Madridlilərin heyətində itki olmasa da, "Volfsburq" Yanqın xidmətindən yararlana bilməyəcək.

    Çempionlar Liqası, 1/4 final, cavab oyunları

    22:45. "Mançester Siti" (İngiltərə) - PSJ (Fransa)

    Mançester. "Etihad" stadionu

    İlk oyun: 2:2

    22:45. "Real Madrid" (İspaniya) - "Volfsburq" (Almaniya)

    Madrid. "Santyaqo Bernabeu"

    İlk oyun: 0:2

    Qeyd edək ki, yarımfinalın digər iki iştirakçısı aprelin 13-də müəyyənləşəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi