Yuxarı
    Bağlamaq

    Bu gün Azərbaycan və İtaliya yığmaları arasında oyun olacaq

    Görüş ilk dəfə Bakı Olimpiya Stadionunda keçiriləcək

    Bakı. 10 oktyabr. REPORT.AZ/ Bu gün futbol üzrə Azərbaycan və İtaliya milli komandaları arasında AVRO-2016-nın seçmə qrup matçı keçiriləcək. "Report"un məlumatına görə, rəqib 4 qat dünya çempionları ilə görüş ilk dəfə Bakı Olimpiya Stadionunda təşkil olunacaq.

    Amma bu, Azərbaycan millisinin son ev oyunu olacaq. 8 turdan sonra İtaliya 18 xalla H qrupuna başçılıq edir. Azərbaycan isə 6 xalla 5-ci pillədə yer alıb. Qonaqlar qələbə qazanacaqları təqdirdə, qrup lideri kimi final mərhələsinə vəsiqəni təmin edəcək, meydan sahibləri isə Robert Prosineçkinin başçılığı altında 5-ci matçında ilk məğlubiyyətlə üzləşəcəklər. Əks halda, İtaliya yığmasının seçmə mərhələlərdəki 48 oyunluq məğlubiyyətsizlik seriyasına son qoyacaq.

    Bu komandalar arasında ötən il Palermoda keçirilmiş qarşılaşmada meydan sahibləri qələbə qazanıblar - 2:1. Həmin oyunda İtaliya millisinin müdafiəçisi Corco Kyellini hər 3 qolun müəllifi olub. O, 2 qolu Azərbaycan yığmasının, 1-ini isə öz komandasının qapısından keçirib. Əvvəlki tsikllərdə isə İtaliya millisi Azərbaycanla yalnız AVRO-2004-ün seçmə mərhələsində qarşılaşıb, Bakıda 2:0, evdə 4:0 hesablı qələbə qazanıb.

    Bugünkü qarşılaşma Azərbaycan millisindən Rəşad Sadıqovla Ruslan Abışov üçün əlamətdar olacaq. Abışov 28 yaşını tamamlayır, Sadıqov isə millidə 100-cü oyununu keçirəcək. İtaiya yığmasından isə qapıçı Canluici Buffon 150-ci matçına çıxacaq.

    Qeyd edək ki, H qrupunun digər görüşlərində Norveç Maltanı, Xorvatiya Bolqarıstanı qəbul edəcək.

    AVRO-2016

    Seçmə mərhələ, H qrupu

    21:00. Azərbaycan - İtaliya

    Baş hakim: Uilyam Kollum (Şotlandiya)

    Baş hakimin köməkçiləri: Damyen Makqreyt (İrlandiya), Frensis Konnor (Şotlandiya)

    Dördüncü hakim: Alastair Mazer (Şotlandiya)

    Əlavə köməkçi hakimlər: Robert Madden (Şotlandiya), Con Biton (Şotlandiya)

    Bakı Olimpiya Stadionu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi