Yuxarı
    Bağlamaq

    Bu gün Azərbaycan Premyer Liqasında XII turun son oyunu keçiriləcək

    İnter səfərdə Qəbələni yensə, ikinci pilləyə yüksələcək

    Bakı. 9 noyabr. REPORT.AZ/ Bu gün futbol üzrə Azərbaycan Premyer Liqasında XII turun son oyunu keçiriləcək. "Report"un məlumatına görə, Qəbələ şəhər stadionunda eyniadlı komanda "İnter"i qəbul edəcək.

    Saat 16:00-da başlanacaq görüşü FİFA referisi Rəhim Həsənovun başçılıq etdiyi hakimlər briqadası idarə edəcək. Hazırda meydan sahibləri 11 oyundan 21 xalla 2-ci, qonaqlar isə 19 xalla 4-cü pillədə qərarlaşıblar. Son 3 oyunda qələbəyə həsrət qalan "qırmızı-qaralar" yenə xal itirsələr, lider "Qarabağ"dan daha da aralanacaqlar. "İnter" də əvvəlki iki matçında qalib gələ bilməyib. "Bankirlər" yenə qələbəsiz qalsalar, 4-cü pillədən qurtula bilməyəcəklər. Qələbə təqdirində isə paytaxt təmsilçisi 2-ci pilləyə yüksələcək.

    İndiyədək bu komandalar 29 dəfə qarşılaşıblar. Oyunların 14-də "İnter", 6-da "Qəbələ" qalib gəlib, 9 qarşılaşma heç-heçə ilə nəticələnib. Vurulan qolların nisbətində də "bankirlər" öndədir - 43:24. Son 4 oyunda hər iki komanda qol vurub. “İnter” son 3 səfər matçında uduzmayıb.

    Azərbaycan Premyer Liqası, XII tur

    9 noyabr (bazar ertəsi)

    16:00. “Qəbələ” – “İnter” (Bakı)

    Hakimlər: Rəhim Həsənov, Munis Abdullayev, Kamran Bayramov, Rəvan Həmzəzadə

    AFFA nümayəndəsi: Əsgər Əmirəliyev

    Hakim-inspektor: Şahin Cəfərov

    Qəbələ şəhər stadionu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi