Yuxarı
    Bağlamaq

    Bu gün Azərbaycan Premyer Liqasında IX turun növbəti oyunu keçiriləcək

    AZAL Zirə ilə qarşılaşacaq

    Bakı. 24 oktyabr. REPORT.AZ/ Bu gün futbol üzrə Azərbaycan Premyer Liqasında IX turun növbəti oyunu keçiriləcək.

    "Report"un məlumatına görə, turun ikinci oyun günündə bir qarşılaşma oynanılacaq.

    Turnir cədvəlinin sonuncu pilləsində qərarlaşan AZAL Zirənin eyniadlı komandasını qəbul edəcək. Qonaq komanda səfərdən qələbə ilə dönəcəyi təqdirdə turnir cədvəlindəki hazırkı mövqeyini yaxşılaşdıraraq 4-cü pilləyə yüksələcək. Ən yaxın qonşusu ilə 4 xal fərqi olan AZAL isə qələbə sayəsində yalnız "Sumqayıt"a yaxınlaşacaq.

    Komandalar bu günədək ölkə çempionatlarında 5 oyun keçiriblər. Bu görüşlərin 3-ü "Zirə"nin, 1-i isə AZAL-ın qələbəsi ilə başa çatıb. Bir oyunda isə bərabərlik qeydə alınıb. Tərəflərin görüşündə meydan sahibi olan komanda indiyədək məğlub olmayıb. Son 3 matçda hər iki klub qol vurub.

    Turun son oyun günündə iki görüş olacaq. "Sumqayıt" "Qəbələ"ni, "Neftçi" isə "Qarabağ"ı qəbul edəcək.

    Azərbaycan Premyer Liqası, IX tur

    24 oktyabr

    16:00. AZAL - "Zirə"

    Hakimlər: Rauf Cabbarov, Coşqun Həsənov, İsgəndər Əliyev, Nahid Əliyev

    Əlavə köməkçi hakimlər: Əliyar Ağayev, Rəhim Həsənov

    AFFA nümayəndəsi: Elbrus Abbasov

    Hakim-inspektor: Xaqani Məmmədov

    Bakı. "AZAL Arena"

    Qeyd edək ki, turun açılış oyununda "Kəpəz" və "İnter" komandaları qarşılaşıb. Gəncədə baş tutmuş görüşdə hesba açılmayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi