Yuxarı

"Borussiya Dortmund" klubunun ofisi təxliyə edilib

"Borussiya Dortmund" klubunun ofisi təxliyə edilib
Binada naməlum əşyanın olması barədə polisə məlumat daxil olub

Bakı. 15 mart. REPORT.AZ/ Dortmundun "Borussiya" futbol klubunun ofis binası içərisində ağ toz olan zərf səbəbindən təxliyə edilib.

"Report" xəbər verir ki, bu barədə "Ruhr Nachrichten" nəşri məlumat yayıb.

Yerli vaxtla 16:15-də binada naməlum əşyanın olması barədə polisə məlumat daxil olub. Polis binanın 5-ci mərtəbəsində içərisində naməlum tərkibli ağ tozun olduğu zərf aşkar edib. Zərfə toxunduğu ehtimal edilən bir neçə əməkdaş tibbi müayinəyə göndərilib.

Saat 17:45-də binanın mühasirəsi aradan qaldırılıb. Polisin məlumatına görə, zərfin içində şəkər tozu olub.

Çərşənbə günü "Borussiya" klubunun "Twitter"dəki hesabı hakerlər tərəfindən dağıdılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi