Yuxarı
    Bağlamaq

    BMT FIFA-nin fəaliyyətini araşdıracaq

    Yoxlamanın nəticələri 2016-cı ilin mart ayında ictimaiyyətə açıqlanacaq

    Bakı. 15 dekabr. REPORT.AZ/ BMT Beynəlxalq Futbol Federasiyasının (FIFA) fəaliyyətini insan hüquqlarının təminatı baxımından araşdıracaq.

    "Report" "TASS" agentliyinə istinadən xəbər verir ki, müstəqil yoxlama missiyası BMT-nin Baş katibinin xüsusi nümayəndəsi Con Raqqiyə həvalə olunub.

    Yoxlamanın nəticələri 2016-cı ilin mart ayında ictimaiyyətə açıqlanacaq.

    Xatırladaq ki, bu il mayın 27-də Sürixdə FİFA-nın bir sıra yüksək vəzifəli şəxsləri həbs edilib. Onlar ümumilikdə 10 milyard dollardan çox rüşvət almaqda şübhəli bilinirlər. Korrupsiya cinayətləri üzrə işdə 14 futbol funksionerinin, o cümlədən FİFA-nın iki vitse-prezidentinin adı hallanıb.

    ABŞ-ın sorğusuna əsasən FİFA-nın korrupsiya qalmaqalı ilə bağlı 6 nəfəri beynəlxalq axtarışa - İnterpola verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi