Belçika klubunun Avropa Liqasındakı ev oyununa azarkeş buraxılmayacaq

Bakı. 25 noyabr. REPORT.AZ/ Futbol üzrə Avropa Liqasında Belçikanın "Brügge" və İtaliyanın "Napoli" komandaları arasında noyabrın 26-da keçiriləcək V tur matçına azarkeş buraxılmayacaq. "Report"un məlumatına görə, bu barədə "Brügge" rəhbərliyi qərar qəbul edib. 

Səbəb kimi ölkədə terror aktları təhlükəsi göstərilib. Öncədən matçda yalnız qonaq komanda azarkeşlərinin olmaması planlaşdırılırdı. Lakin sonradan Belçika hökuməti oyuna yerli fanatların da girişini qadağan edib. 

Qeyd edək ki, oyunun keçiriləcəyi "Yan Breydel" stadionu 29 min tamaşaçı tutumuna malikdir.