BATE "Qarabağ"la oyunun hazırlığına start verib

Bakı. 3 avqust. REPORT.AZ/ Belarusun BATE komandası UEFA Çempionlar Liqasının III təsnifat mərhələsində "Qarabağ"la ilk oyunun hazırlığına start verib.

"Report" klubun rəsmi saytına istinadən xəbər verir ki, komanda baş məşqçi Aleksey Baqanın rəhbərliyi altında Dudinkadakı bazada məşq edib. Borisov təmsilçisinin zədəsini sağaldan müdafiəçisi Nemanya Milunoviç də hazırlıq prosesində iştirak edib.

Qeyd edək ki, "Qarabağ"ın BATE ilə ilk oyunu avqustun 7-də Bakıda, cavab qarşılaşması isə ayın 14-də Borisovda olacaq.