Yuxarı

"Barselona"ya yeni baş məşqçi təyin olunub

"Barselona"ya yeni baş məşqçi təyin olunub
Valverde ilə iki illik müqavilə imzalanıb
© Twitter

Bakı. 29 may. REPORT.AZ/ "Atletik Bilbao"nun sabiq rəhbəri Ernesto Valverde "Barselona"ya yeni baş məşqçi təyin olunub.

"Report" xəbər verir ki, bu barədə bazar ertəsi keçirilən xüsusi mətbuat konfransında "göy-qırmızılar"ın prezidenti Xosep Mariya Bartomeu məlumat verib.

Vaxtikən "Barselona"da oynamış (1988-1990-cı illər) 53 yaşlı mütəxəssis bu postda Luis Enrikeni əvəz edib.

Əvvəllər, həmçinin "Espanyol", "Olimpiakos", "Vilyarreal" və "Valensiya"nı çalışdırmış Valverde ilə müqavilə iki il müddətinə nəzərdə tutulub.

Onun baş məşqçi qismində təqdimatı iyunun 1-də keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi