"Barselona"nın sükanı arxasına keçəcək baş məşqçi hazırkı komandasından istefa verib

Bakı. 23 may. REPORT.AZ/ Ernesto Valverde İspaniyanın "Atletik" futbol komandasının baş məşqçi postunu tərk edib.

"Report"un Bilbao təmsilçisinin rəsmi saytına istinadən verdiyi məlumata görə, 53 yaşlı mütəxəssis gələn mövsüm komandanın sükanı arxasında olmayacaq.

Onun "Barselona"nın baş məşqçi postuna əsas namizədlərdən biri olduğu bildirilir. La Liqada ötən mövsümün yekununda "Atletik" 63 xalla 7-ci yeri tutub.