"Barselona" klubu baş məşqçisi ilə müqavilənin müddətini uzadıb

Bakı. 15 fevral. REPORT.AZ/ İspaniyanın "Barselona" klubu baş məşqçi Ernesto Valverde ilə müqavilənin müddətini uzadıb.

"Report" Kataloniya təmsilçisinin rəsmi saytına istinadən xəbər verir ki, 55 yaşlı mütəxəssislə 1+1 illik sözləşmə imzalanıb.

Qeyd edək ki, Ernesto Valverde 2017-ci ilin mayından "Barselona"ya rəhbərlik edir. Onun müqaviləsinin müddəti bu ilin iyununda başa çatacaqdı.