Yuxarı
    Bağlamaq

    Bakının "İnter" klubu Avropa Liqası ilə vidalaşıb

    Bakılılar Lüksemburqun Fola Eş komandasına məğlub olublar

    Bakı. 20 iyul. REPORT.AZ/ Azərbaycanın daha bir klubu Avropa Liqasında mübarizəni dayandırıb.

    "Report"un məlumatına görə, bu, Bakı "İnter"idir.

    Zaur Svanadzenin baş məşqçisi olduğu kollektivi Lüksemburqun "Fola Eş" komandası iki oyunun yekununda üstələyib. Səfər matçında "İnter" 1:4 hesabı ilə uduzub. Komandanın yeganə qolunu 70-ci dəqiqədə Pərdis Fərcad-Azad vurub. Bunadək meydan sahibləri 3 dəfə fərqləndiklərindən, qonaqlara daha bir qol vurmaq lazım gəlib. Lakin bunu gerçəkləşdirmək mümkün olmayıb. Əvəzində meydan sahibləri 4-cü qolu vuraraq, böyükhesablı qələbəyə nail olublar.

    "İnter" ilk görüşdə 1:0 hesabı ilə qalib gəlsə də, cavab oyununda 3 top fərqi ilə yenildiyi üçün Avroliqa ilə vidalaşıb.

    Daha əvvəl "Zirə" də Rumıniya "Astra"sına iki oyunun cəmində uduzaraq (1:3, 0:0), mübarizəni dayandırıb.

    Avropa Liqası,

    II təsnifat mərhələsi, cavab oyunu

    21:30. "Fola Eş" (Lüksemburq) - "İnter" (Bakı, Azərbaycan) - 4:1

    Qollar: Samir Haci, 21. Enis Saiti, 32. Tom Laterza, 59. Sedrik Sakras, 90+4 - Pərdis Fərcad-Azad, 70

    Baş hakim: Donatas Rumsas

    Yan xətt hakimləri: Aleksandr Radius, Vladimir Gerasimov

    Dördüncü hakim: Robertas Smitas (hamısı Litva)

    UEFA nümayəndəsi: Alvaro Albino (Portuqaliya)

    Hakim-inspektor: Vasili Melniçuk (Ukrayna)

    Eş sür-alzett, "Emil Mayriş" stadionu

    İlk oyun - 0:1

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi