Yuxarı

​Bakının "İnter” klubu Avrokuboklardan kənarlaşdırılıb

UEFA komandanı növbəti üç mövsümdən birində iştirak hüququndan məhrum edib

Bakı. 31 mart. REPORT.AZ/ Bakının "İnter” klubu UEFA-nın sanksiyasına məruz qalıb.

"Report" komandanın rəsmi saytına istinadən xəbər verir ki, "bankirlər” növbəti üç Avrokubok mövsümündən (2016/2017, 2017/2018, 2018/2019) birində iştirak hüququndan məhrum edilib.

Bununla bağlı qərar qəbul edən UEFA CFCB-nin İstintaq Palatası 10 dekabr 2015-ci il tarixli AC-05-2015 nömrəli qərarını qüvvədə saxlayıb. Qərara əsasən, "İnter” apellyasiya üçün 10 gün ərzində İdman Arbitraj Məhkəməsinə (CAS) müraciət edə bilər. Bakı klubu bu hüquqdan istifadə etmək niyyətindədir.

Qeyd edək ki, "İnter" bir sıra legionerlərə borclu olduğundan, barəsində qitə futbol qurumu ciddi ölçü götürüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi