Yuxarı
    Bağlamaq

    Bakıda UEFA-nın seminarı keçiriləcək

    AFFA-nın lisenziyalaşdırma qrupu və “Qəbələ” İdman Klubunun nümayəndələri çıxış edəcəklər

    Bakı. 16 fevral. REPORT.AZ/ Fevralın 17-də AFFA-nın təşkilatçılığı ilə klubların lisenziyalaşdırılması üzrə UEFA-nın seminarı işə başlayacaq. "Report"un məlumatına görə, “Boulevard Hotel Baku”da təşkil olunacaq tədbirdə UEFA nümayəndələri ilə yanaşı, İspaniya, Rumıniya, Macarıstan, Türkiyə, Rusiya, Slovakiya, Çexiya, Ukrayna, Belarus, Latviya, Gürcüstan, Litva, Qazaxıstan və Moldova futbol federasiyalarının lisenziyalaşdırma üzrə mütəxəssisləri qatılacaq. 

    Seminarda ötən Lisenziyalaşdırma mövsümü təhlil olunacaq, FİFA və UEFA-nın Klubların Lisenziyalaşdırılması üzrə qaydaları, lisenziyalaşdırma sisteminin inkişaf perspektivləri mövzuları ətrafında müzakirələr aparılacaq. AFFA-nın lisenziyalaşdırma qrupunun və “Qəbələ” İdman Klubunun nümayəndələri çıxış edərək Azərbaycanda Lisenziyalaşdırma sesteminin tətbiqi ilə bağlı tədbir iştirakçılarına məlumat verəcəklər.

    Qeyd edək ki, tədbir iki gün davam edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi