Yuxarı

Bakıda Avroliqanın finalı və AVRO-2020-nin oyunları üçün stüard hazırlığına başlanılıb

Bakıda Avroliqanın finalı və AVRO-2020-nin oyunları üçün stüard hazırlığına başlanılıb

Bakı. 12 aprel. REPORT.AZ/ Bu gündən Bakı Olimpiya Stadionunda UEFA-nın və AFFA-nın təşkilatçılığı ilə stüard təlimçilərinin hazırlanması məqsədi ilə seminar başlayıb.

"Report"un AFFA-nın rəsmi saytına istinadən verdiyi məlumata görə, tədbirdə Daxili İşlər Nazirliyi, Xüsusi Dövlət Mühafizə Xidməti, Azərbaycan Premyer Liqasında iştirak edən klublar, Bakı Olimpiya Stadionu və AFFA-nın əməkdaşları iştirak edir. 

Təlim 2019-cu ildə Bakıda keçiriləcək Avropa Liqasının final oyununa və AVRO-2020-nin Azərbaycan paytaxtında təşkil olunacaq 4 qarşılaşmasına hazırlıq çərçivəsində təşkil olunub. Əsas məqsəd təhlükəsizlik, mühafizə və xidməti özündə birləşdirən müasir stüard sisteminin formalaşdırılması üçün təcrübəli təlimçilərin hazırlanmasıdır. Seminar aprelin 16-da başa çatacaq.

Qeyd edək ki, analoji tədbirlər 2020-ci ilə qədər bir neçə dəfə təşkil olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi