Yuxarı
    Bağlamaq

    "Bakı" klubunun sabiq baş məşqçisi İran komandasına rəhbərlik edəcək

    İstiqlal Vinfrid Şeferlə bağlı tezliklə qərar verəcək

    Bakı. 3 oktyabr. REPORT.AZ/ "Bakı" klubunun sabiq baş məşqçisi Vinfrid Şefer İranın "İstiqlal" komandasının sükanı arxasına keçəcək. 

    "Report"un məlumatına görə, bu barədə almaniyalı mütəxəssisin özü DPA-ya açıqlamasında bildirib.

    O, hazırda danışıqların davam etdiyini əlavə edib. Şefer müqavilənin tezliklə imzalanma ehtimalının yüksək olduğunu söyləyib: "Məşqçi kimi hər gün meydana dönmək istəyirəm. İran çempionatı çox yaxşı liqadır".

    Bir neçə gün əvvəl "İstiqlal"ın baş məşqçi postuna əsas namizəd kimi Türkiyə millisindən ayrılan Fatih Terim göstərilib.

    Qeyd edək ki, Vinfrid Şeferin son iş yeri Yamayka millisi (2013 - 2016) olub. 67 yaşlı mütəxəssis 2010-cu ilin iyunundan 2011-ci ilin yanvarınadək "Bakı"nın baş məşqçisi kimi çalışıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi