Yuxarı
    Bağlamaq

    Azərbaycanlı FİFA referisinin təyinat aldığı oyun açıqlanıb

    Əliyar Ağayev Avstriyadakı qarşılaşmanı idarə edəcək

    Bakı. 2 dekabr. REPORT.AZ/ FIFA referisi Əliyar Ağayevin Avropa Liqasının qrup mərhələsində təyinat aldığı oyun açıqlanıb. "Report"un AFFA-nın rəsmi saytına istinadən verdiyi məlumata görə, gənc ədalət təmsilçisi dekabrın 10-da Avstriyanın paytaxtı Vyanada "Rapid"lə Belarusun "Dinamo" (Minsk) komandaları arasındakı E qrupundakı qarşılaşmanın baş hakimi olacaq. 

      

    “Rapid” (Vyana, Avstriya) – “Dinamo” (Minsk, Belarus)

    10 dekabr. Vyana. Ernst Happel stadionu

    Baş hakim: Əliyar Ağayev

    Baş hakimin köməkçiləri: Zeynal Zeynalov, Rza Məmmədov

    Əlavə köməkçi hakimlər: Rəhim Həsənov, Orxan Məmmədov

    Dördüncü hakim: Mübariz Haşımov

    Qeyd edək ki, 5 turdan sonra "Rapid" E qrupunda 12 xalla 2-ci yerdə qərarlaşıb və 1/16 finala vəsiqəni təmin edib. 3 xalla 4-cü pillədəki "Dinamo" isə növbəti mərhələ şanslarını itirib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi