Bakı. 15 noyabr. REPORT.AZ/ 21 yaşadək futbolçulardan ibarət Azərbaycan milli komandasının üzvü Ziya Əzizov yoldaşlıq matçında Ukraynaya 0:1 hesabı ilə məğlub olduqları qarşılaşmadan sonra jurnalistlərin suallarını cavablandırıb.
"Report" həmin müsahibəni təqdim edir:
- Matçı necə qiymətləndirirsiniz?
- Birinci oyunumuz idi. Komanda olaraq yaxşı müdafiə olunduq. Mübarizə apardıq və ürəkli oynadıq. Amma rəqibin də bir epizodu oldu. O da qolla nəticələndi.
- Bu gün komandanın qələbə qazanmasına nə mane oldu?
- Birinci hissədə ehtiyatlı oynadıq. İkinci hissəyə də yaxşı başladıq. 20 dəqiqədən sonra isə oyunu verdik. Rəqib təşəbbüsü əla aldı və sonra isə hücumları başladı.
- Bu gün komandalar sanki kobud oyuna üstünlük verirdilər. Bu nə ilə əlaqədar idi?
- İstəkli idik. Aqressivlik də var idi. Qələbə qazanmağı fikirləşirdik. Yaxşı nəticə istəyirdik. Bütün Azərbaycana göstərmək istəyirdik ki, elə-belə komanda deyilik.
-
- Xeyr, hələ baş məşqçi ilə danışmamışıq. Bəlkə bizimlə sabah danışacaq.
- Növbəti oyunda Bosniya və Herseqovina ilə oynayacaqsınız. Həmin qarşılaşma barədə nə deyə bilərsiniz?
- Onlar da güclü komandadır. Həmin matçda yaxşı nəticə qazanacağımıza inanıram. Çalışacağıq ki, bu gün nə səhv eləmişiksə, onu növbəti matçda etməyək.
- U-21 komandası növbəti seçmə mərhədə hansı nəticəni göstərə bilər və nələrə qadirdir?
- Onu demək hələ tezdir. Birinci oyunu oynamışıq. Yavaş-yavaş baxacağıq.
- Yığmadakı komanda yoldaşınız Barış Ekincierin ürəyində problem var. Onunla danışmışınız?
- Mən bu barədə dünən eşitmişəm. Bilmirdim. Onunla danışacağam.
- NEC "Nijmegen" klubuda işləriniz necədir? Sizi əsas komandada görmək mümkün olacaqmı?
- Hər şey yaxşıdır. Hələ ki, klubun ikinci komandasında oyunlarımı keçirirəm. İnanıram ki, tezliklə əsas komandaya cəlb olunacağam.