Yuxarı

Azərbaycanın iki futbol yığmasının baş məşqçisi istefaya göndərilib

Azərbaycanın iki futbol yığmasının baş məşqçisi istefaya göndərilib
Təbriz Həsənov və Mirbağır İsayevin müqavilələrinə qarşılıqlı razılıq əsasında xitam verilib

Bakı. 15 noyabr. REPORT.AZ/ Bu gün AFFA-nın inzibati binasında baş katib Elxan Məmmədov 19 yaşadək futbolçulardan ibarət Azərbaycan yığmasının baş məşqçisi Təbriz Həsənov və 17 yaşadək futbolçulardan ibarət Azərbaycan yığmasının baş məşqçisi Mirbağır İsayevlə görüşüb. 

"Report"un qurumun rəsmi saytına istinadən verdiyi məlumata görə, Təbriz Həsənov U-19-un, Mirbağır İsayev isə U-17-nin Avropa çempionatının ilkin seçmə mərhələsindəki çıxışı ilə bağlı hesabat təqdim edib.

Hesabatların təqdimatından sonra qarşılıqlı razılıq əsasında hər iki baş məşqçinin müqaviləsinə xitam verilməsi barədə qərar qəbul olunub.

U-19 və U-17 Azərbaycan yığmalarının baş məşqçi vəzifəsinə təyinatlar ilin sonuna qədər müəyyənləşəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi