Yuxarı
    Bağlamaq

    Azərbaycanın futzal yığması DÇ-nın 1/8 finalına vəsiqə qazanıb

    Komanda son qrup oyununda İranla heç-heçə edib

    Bakı. 19 sentyabr. REPORT.AZ/ Azərbaycan milli komandası futzal üzrə Dünya çempionatının qrup mərhələsində son oyununu keçirib.

    "Report" xəbər verir ki, millimiz Kolumbiyanın Medellin şəhərindəki "Coliseo Ivan de Bedout" idman kompleksində İran yığması ilə qarşılaşıb.

    Qarşılaşma 3:3 hesabı ilə yekunlaşıb. Everton Cardosonun dubl etdiyi oyunda 1 dəfə Teles Martins Tyaqo fərqlənib.

    Komandamız turnirdə keçirdiyi ilk oyunda Mərakeş yığmasına 5:0 hesabı ilə qalib gəlib, növbəti oyunda isə İspaniya yığmasına məğlub olub – 2:4.

    Beləliklə, 4 xal toplayan millimiz qrup mərhələsini ikinci pillədə başa vuraraq 1/8 final mərhələsinə vəsiqə qazanıb. Millimiz sentyabrın 22-də, yerli vaxtla saat 17:30-da (Bakı vaxtı ilə 23 sentyabr, saat 02:30), Medellin şəhərindəki "Coliseo Ivan de Bedout" idman kompleksində Tayland yığması ilə qarşılaşacaq.

    KomandaOQBMV.QB.QTFXal
    İspaniya33009679
    Azərbaycan31117734
    İran3111611-24
    Mərakeş3003314-80
    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi