Yuxarı

Azərbaycanın FIFA referisi karyerasını başa vurur

Azərbaycanın FIFA referisi karyerasını başa vurur
O, karyerasını hakim-inspektor qismində davam etdirmək niyyətindədir

Bakı. 7 dekabr. REPORT.AZ/ Azərbaycanın futzal üzrə FIFA referisi Elçin Səmədli karyerasını başa vurur.

Azərbaycan Futzal Federasiyasının mətbuat xidmətindən “Report”a verilən məlumata görə, 47 yaşlı ədalət təmsilçisi ilin sonunda hakimliklə vidalaşacaq. Bu səbəbdən, Səmədlinin adı Azərbaycanın 2019-cu il üçün FIFA referilərinin siyahısına daxil edilməyib. O, karyerasını hakim-inspektor qismində davam etdirmək niyyətindədir.

Qeyd edək ki, hakimlik fəaliyyətinə 2002-ci ildə başlamış Elçin Səmədli futzal üzrə Azərbaycan çempionatında 2004-cü ildən hakimlik edir. O, 2006 - 2008-ci illərdə futbol üzrə Premyer Liqa oyunlarına referi kimi təyinat alıb, daha sonra futzal üzrə FIFA referisi olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi