Yuxarı
    Bağlamaq

    Azərbaycan yığmasının oyunçularının çıxış etdiyi klubun baş məşqçisi istefaya göndərilib

    Tərəflər qarşılıqlı razılıq əsasında yollarını ayırıblar

    Bakı. 10 oktyabr. REPORT.AZ/ Portuqaliyanın "Boavişta" klubunun baş məşqçisi Ervin Sançes istefaya göndərilib. 

    "Report"un klubun rəsmi saytına istinadən verdiyi məlumata görə, tərəflər qarşılıqlı razılıq əsasında yollarını ayırıblar.

    Klub "Boavişta"nın maraqları naminə ən düzgün qərarı qəbul etdiklərini bəyan edib və boliviyalı mütəxəssisə uğurlar arzulayıb.  

    Bu qərar "Boavişta"nın Liqa Kubokunda "Belenenseş"ə 0:1 hesablı ev məğlubiyyətindən sonra verilib. Rəhbərlik komandanın Portuqaliya çempionatında da işlərinin qaydasında getmədiyini, 7 turdan 8 xalla 13-cü pillədə qərarlaşdığını da göz önünə gətirib.  

    Xatırladaq ki, "Boavişta"da Azərbaycan yığmasının 2 oyunçusu forma geyinir. Bunlar qapıçı Kamran Ağayevlə yarımmüdafiəçi Emin Mahmudovdur. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi