Yuxarı

Azərbaycan yığmasının Macarıstan və Slovakiya ilə oyunlar üçün heyəti açıqlanıb - SİYAHI

Millimizin heyəti açıqlandı
Bəhlul Mustafazadə ilk dəfə, Renat Dadaşov isə uzun müddətdən sonra əsas yığmaya çağırılıb

Azərbaycan milli komandasının Macarıstan və Slovakiya yığmaları ilə keçirəcəyi 2020-ci il Avropa çempionatının seçmə qrup oyunları üçün heyəti açıqlanıb. 

"Report"un AFFA-nın rəsmi saytına istinadən verdiyi məlumata görə, baş məşqçi Nikola Yurçeviç qarşıdakı ev oyunlarına 27 futbolçu dəvət edib. Onlardan Bəhlul Mustafazadə ilk dəfə, Renat Dadaşov isə uzun müddətdən sonra əsas yığmaya çağırılıb. 

Milli üzvləri hazırlıq prosesinə mayın 19-da başlanacaqlar. Bəhlul Mustafazadə, Əli Babayev, Dmitri Nazarov, Rüfət Dadaşov, Renat Dadaşov komandaya mayın 24-də, Emil Balayev, Pavel Paşayev, Ramil Şeydayev və Eddi İsrafilov isə iyunun 3-də qoşulacaqlar. 21 may saat 18:15-də “Bakcell Arena”da baş məşqçi Nikola Yurçeviçin mətbuat konfransı təşkil olunacaq.

Macarıstanla görüş iyunun 8-də, Slovakiya ilə qarşılaşma isə iyunun 11-də "Bakcell Arena"da keçiriləcək. Hər iki görüş saat 20:00-da başlanacaq. 

Milli komandanın heyəti:

Qapıçılar: Səlahət Ağayev ("Neftçi"), Emil Balayev ("Tobol", Qazaxıstan), Şahruddin Maqomedaliyev ("Qarabağ") 

Müdafiəçilər: Maksim Medvedev ("Qarabağ"), Ömər Buludov ("Neftçi"), Bədavi Hüseynov ("Qarabağ"), Rahil Məmmədov ("Qarabağ"), Anton Krivotsyuk ("Neftçi"), Pavel Paşayev ("Aleksandriya", Ukrayna), Şəhriyar Rəhimov ("Səbail"), Bəhlul Mustafazadə ("Qəbələ")

Yarımmüdafiəçilər: Qara Qarayev ("Qarabağ"), Riçard Almeyda ("Qarabağ"), Eddi İsrafilov ("Alkorkon", İspaniya), Emin Mahmudov ("Neftçi"), Əli Babayev ("Sumqayıt"), Aleksey İsayev ("Sumqayıt"), Dmitri Nazarov ("Ertsgebirge Aue", Almaniya), Rəşad Eyyubov ("Sabah")
Hücumçular: Mahir Emreli ("Qarabağ"), Namiq Ələskərov ("Neftçi"), Araz Abdullayev ("Qarabağ"), Ramil Şeydayev ("Krılya Sovetov", Rusiya), Rüfət Dadaşov ("Proysen Münster", Almaniya), Mirabdulla Abbasov ("Neftçi"), Renat Dadaşov ("Eştoril", Portuqaliya), Ağabala Ramazanov ("Səbail").

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi