Azərbaycan yığmasının hücumçusu "Trabzonspor"u tərk edib

Bakı. 29 iyun. REPORT.AZ/ Azərbaycan milli komandasının futbolçusu Ramil Şeydayev Türkiyənin "Trabzonspor" klubunun son məşqinə qatılmayıb.

"Report"un "Doğan" agentliyinə istinadən verdiyi məlumata görə, 22 yaşlı hücumçu "zoğalı-mavilər"in düşərgəsini tərk edib. Ona transfer danışıqları aparması üçün icazə verilib. Lakin gənc forvardın hansı klubla görüşəcəyi açıqlanmır.

Qeyd edək ki, bir müddət əvvəl Ramil Şeydayevin Avstriya Bundesliqasında çıxış edən "Mattersburq"a keçəcəyi xəbərləri yayılıb. Şeydayev ötən mövsümü icarə əsasında "Qarabağ"da keçirib.