Azərbaycan yığması FİFA reytinqində 24 pillə irəliləyib

Bakı. 9 aprel. REPORT.AZ/ FIFA dünya yığmalarının növbəti reytinq siyahısını açıqlayıb. "Report"un məlumatına görə, Azərbaycan milli komandası ötən ayla müqayisədə 24 pillə irəliləyib.

Buna AVRO-2016-nın seçmə qrup matçında Malta üzərində 2:0 hesablı qələbə səbəb olub. Hazırda 264 xala malik millimiz 115-ci pillədədir.

Qeyd edək ki, növbəti reytinq siyahısı mayın 7-də açıqlanacaq.