Bakı. 21 noyabr. REPORT.AZ/ 17 və 19 yaşadək qızlar arasında Avropa çempionatının ilkin seçmə mərhələ oyunlarının keçiriləcəyi ölkələr məlum olub. "Report"un məlumatına görə, Belçika, Çexiya və Gürcüstan milli komandaları ilə eyni qrupda mübarizə aparacaq Azərbaycanın U-17 yığmasının matçları Belçikada keçiriləcək. Bu qrupun oyunları 29 sentyabr - 4 oktyabr tarixlərində təşkil olunacaq.
Belçika, Uels və Xorvatiya yığmaları ilə eyni qrupda mübarizə aparacaq U-19 millisinin oyunları isə Uelsdə keçiriləcək. U-19-un oyunları 15 - 20 sentyabr aralığında təşkil olunacaq.