Yuxarı
    Bağlamaq

    Azərbaycan-Xorvatiya oyunu başa çatıb

    Azərbaycan millisi elit-raunda məğlubiyyətlə start verib

    Bakı. 17 mart. REPORT.AZ/ Bu gün 17 yaşadək futbolçular arasında Avropa çempionatının elit-raundunda II qrupun oyunları keçirilib. 

    "Report"un məlumatına görə, qrupun ilk oyununda Portuqaliya və Serbiya komandaları üz-üzə gəlib.

    İsmət Qayıbov adına Bakıxanov qəsəbə stadionunda keçirilmiş qarşılaşmada qapılara top vurulmayıb.

    Növbəti oyunda isə Azərbaycan Xorvatiya ilə münasibətlərinə aydınlıq gətirib. "Bakcell Arena"da keçirilən qarşılaşmanın 23-cü dəqiqəsində Majiç Murad Popovun qoruduğu qapıya yol tapa bilib. Oyunun ilk hissəsi bu hesabla da başa çatıb. İkinci hissədə də daha aktiv olan qonaqlar 62-ci dəqiqədə milli komandanı ikinci dəfə məyus edib. Majiç dublunu rəsmiləşdirib. Cəmi 2 dəqiqə sonra qonaqlar yenidən fərqlənib. Bu dəfə Erliç adını tabloya yazdırıb. Matçın bitməsinə saniyələr qalmış Bleçiç də fərqlənib və hesab arasındakı fərqi 4-ə çatdırıb. Qarşılaşma Xorvatiya millisinin 4:0 hesablı qələbəsi ilə başa çatıb.

    Qeyd edək ki, ilk oyundan sonra Xorvatiya millisi qrup liderliyini ələ keçirib. Portuqaliya və Serbiya komandaları 2-ci və 3-cü yerə sahib çıxıb. Azərbaycan isə ilk oyundan sonra qrupun son pilləsində qərarlaşıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi