Yuxarı

Azərbaycan - Xorvatiya matçına satılan biletlərin sayı açıqlanıb

Sabahkı oyunda anşlaq gözlənilir

Bakı. 2 sentyabr. REPORT.AZ/ Azərbaycan və Xorvatiyanın futbol üzrə milli komandaları arasında sentyabrın 3-də keçiriləcək AVRO-2016-nın seçmə qrup matçına indiyədək 8 000 bilet satılıb. Bu barədə "Report"a AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu məlumat verib. 

Onun sözlərinə görə, oyun gününədək biletlərin tam alınacağı gözlənilir: "Qarşılaşmaya maraq böyükdür. Bu gedişlə yəqin ki, biletlərin hamısı alınacaq və anşlaq olacaq".   

Qeyd edək ki, "Bakcell Arena" 11 min tamaşaçı tutumuna malikdir. Azərbaycan - Xorvatiya matçı sabah saat 21:00-da başlanacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi